Un fakansi ku hopi dibertishon pa henter famia
WILLEMSTAD – Renaissance Curaçao Resort & Casino ta kontentu di introdusí un programa spesialmente dediká na famia. E asina yamá ‘Kids R VIP’ ta manera un bónus e temporada di fakansi benidero. Un programa spesialmente pa muchanan, permitiendo henter famia disfrutá di Renaissance Curaçao Resort & Casino. Di akuerdo ku Maritza Molina, Sales & Marketing Director pa Renaissance Curaçao Resort nan ta kontinuamente diseñando paketenan atraktivo pa nos mes hendenan tambe por disfrutá. “Ademas di promové internashonalmente, nos ta enfoká tambe riba nos merkado lokal. Nos sá, ku henter nos pais ta den rekuperashon ekonómiko i esei ta trese kuné ku kisas pa e vakashon eskolar 2021, no por hasi biahenan pa eksterior. Ta p’esei e programa ‘Kids R VIP’ ta inkluí un sin fin di bónus i dibertishon pa e mucha i su famia.”
Muchanan ta sentro di atenshon:
E ‘Kids R VIP’ ta spesialmente pa muchanan te ku 12 aña. Muchanan ta keda grátis den kamber huntu ku nan mayornan, òf 2 adulto. E programa ta permití un máksimo di 2 mucha i 2 adulto. Muchanan ta kome grátis for di e “kids menu” durante di nan estadia i nan ta risibí un regalo i un foyeto na momentu di check-in ku diferente kupòn di deskuento i artíkulonan grátis di e partnernan den e ‘Kids R VIP’. Ta e intenshon pa e mucha disfrutá di un fakansi na su mes isla, ta p’esei mes e partnernan ku ta partisipá den e programa ta sumamente atraktivo i dibertido. Esakinan ta; Dolphin Encounter Child Program, un Safari Tour, Irie Tours, Children’s Museum Curaçao, Dundu Tours, Ostrich Farm, Chichi Curaçao i mas. Tambe tin diferente benefisio pa e muchanan, por ehèmpel eiskrim grátis na Infinity Beach Club, Pòpkòrn grátis na The Movies Otrobanda i mas. Asina tambe tin partnernan ku ta duna benefisio na henter famia, manera deskuento pa famia na Starbucks, i deskuento riba tratamentu di spa na Natural Blends Esthetics.
E ‘Kids R VIP’ ta masha atraktivo i un alternativa hopi kumbiniente pa e famia ku ta deseá di pasa un dushi fakansi na Kòrsou mes. E promoshon ta bálido te ku dia 30 di sèptèmber, 2021. Por yama 435.5000 òf email reservations@curacaorenaissance.com pa informashon i reservashon.