Riba djabièrnè 11 di yüni próksimo At Your Service Caribbean ta organisá un dia di informashon pa tur persona ku ta interesá pa traha den horeca. E dia aki ta pa esnan ku ke kambia di estudio, ta traha den horeca kaba òf esnan ku ke kuminsá un karera den horeca. Tur kursista ku finalisá e estudio ku éksito por konta ku un trabou garantisá. Banda di esaki At Your Service Caribbean ta ofresé personal kapasitá ku ta yuda resortnan i restorantnan eksistente i nobo den nan maneho di personal.

“Dor ku nos tin e lisensia pa duna e estudionan di SVH (Stichting Vakbekwaamheid Horeca), e chèns pa un persona haña un trabou ku ta kuadra ku e estudio aki, ta hopi grandi. Huntu ku e kursistanan nos ta wak kua funshon den horeca ta esun ku ta kuadra mihó i nos ta enfoká riba esaki durante e estudio. Tin un garantia di trabou na Kòrsou mará na e estudionan ku nos ta ofresé. Despues ku terminá e estudio ku éksito i risibí e sertifikado, e kursista por kuminsá traha mesora. E sertifikado ta rekonosé na Hulanda tambe. Di e manera aki e kursistanan tin e oportunidat pa traha na Hulanda tambe. O sea, ku e estudio aki e kursista ta invertí den su mes.” Asina Marc Mulder i Ron van der Velden di At Your Service Caribbean ta splika.

E estudio ta dura 20 siman i ta konsistí di un parti práktiko i un parti teorétiko. Un stazje pagá, ta parti di e trayekto di edukashon aki. Durante e dia di informashon interesadonan tin e oportunidat pa sera konosí ku e detacheringsbureau di horeca aki ku ta nobo den merkado. Tambe lo duna splikashon tokante e trayekto di selekshon i por inskribí pa e dianan di selekshon.

Invitashon

Fecha: Djabièrnè 11 di yüni 2021

Orario: 16:00or – 18:00or

Lugá: La Hacienda Olivia Plantation

Adrès: Kaya Mila, Scherpenheuvel

Pa mas informashon por bishitá www.atyourservicecaribbean.com.