Empresarionan ta ‘gana tempu’ i redusí gastunan danki na outomatisashon inteligente
WILLEMSTAD – Hopi empresario ta sinti nan mes inkómodo ku nan atministrashon. Nan lo a deseá pa e ta un poko mas efisiente i komprendibel, i preferiblemente tambe ménos kostoso. BDO Dutch Caribbean ta ofresé un adelanto signifikante den kampo atministrativo ku BDO Analytics. E hèrmènt atministrativo ta resultado di hopi aña di transformashon digital, riba e ret internashonal di BDO, ku ta inkluí 167 pais. BDO Analytics ta un solushon inovativo pa tur proseso atministrativo, inkluyendo kontabilidat, reportahe i kumplimentu ku lei. E empresario ta mira via su mobil òf lèptòp e status finansiero di su empresa den un fregá di wowo. Esaki ta kondusí na mihó tomo di desishon, ta spar tempu, i finalmente tambe ta redusí gastu.
Un mihó perspektiva, mas konosementu i mas detaye
BDO Analytics no ta kualke software, òf un ‘sistema nobo’. Tampoko no ta impliká un kambio kompliká. E or’ei kiko e ta? BDO Analytics ta un hèrmènt inteligente i fásil pa usa, ku ta yuda e empresario optimalisá su reportahe i atministrashon. Ademas e ta duna un bista 24/7 riba e status finansiero di e kompania. E informashon ku anteriormente mester a kolekta via di mas ku un kanal, awor ta bon ordená den un pènel di kontrol práktiko i aktualisá, ku por wòrdu personalisá segun rekerimentu. Tur esaki kombiná ku e sosten i asesoramentu di nivel haltu di BDO Dutch Caribbean, lo pèrkurá pa un bista general i detayá, i finalmente un mihó perspektiva. Echo ta; un empresario ta tuma mihó desishon, ora ku tin mihó informashon.
Un maneho mas agradabel di bo atministrashon
Gerd Glaudemans, miembro di gerensia di BDO Dutch Caribbean ta splika: “For di estudionan di McKinsey por konkluí ku ta posibel pa outomatisá 80% di bo atministrashon. BDO a mira e oportunidat aki i a krea un solushon inteligente. Na Kòrsou hopi bes ta 10 te ku 20% di e atministrashon ta outomatisá, esaki ta kondusí na ménos efisiensia. BDO Analytics ta trese un kambio den esaki ku un integrashon ku nunka ántes a keda introdusí na Kòrsou. Ademas e lo por hasi atministrashon di e kompania hopi mas agradabel. Finalmente, henter e kompania lo benefisiá literalmente i figurativamente di dje”.
Nos invitashon pa un kombersashon
BDO Dutch Caribbean ta invitá empresarionan grandi i chikitu pa un kombersashon sin kompromiso i un oferta atraktivo ku lo benefisiabo mesora. Tuma kontakto ku ofisina di BDO na +5999 462.1200 of manda un email na info@bdo.cw.