WILLEMSTAD\ JANUARI 2014: Wéspet 500,000 a wòrdu risibí ku shampaña i bukèt di flor na Renaissance Curaçao Resort. E wéspet, Sra. Dianna Richardson for di e siudat di Kentucky, Merka ta bishitá Kòrsou pa promé biaha. E’la ekspresá di ta ya kaba enkantá ku e hospitalidat di e isla i ku Renaissance Curaçao Resort a kaba di kompletá e eksperensia ku e resepshon di bon biní ku e’la risibí na yegada di e hotèl. E wéspet a keda sorpresá den lobby dor di gerente general, Sra. Maylin Trenidad, Sra. Maritza Molina, direktora di benta i merkadeo i tambe Sra. Vinita Vaswani, Front Office Supervisor di Renaissance Curaçao Resort. Ademas di wòrdu sorpresá ku shampaña i flor, Sra. Dianna Richardson – wéspet 500,000 a risibí un sertifikado pa un estadia di 5 dia na Renaissance Curaçao Resort inklusive desayuno tur dia i un sena pa 2 persona. Riba foto athuntu por tuma nota di e momentu na unda ku a risibí wéspet 500,000 Sra. Dianna Richardson for di e siudat di Kentucky, Merka na Renaissance Curaçao Resort. (d.r.p.d Sra. Maylin Trenidad, e wéspet Sra. Dianna Richardson i Sra. Maritza Molina)