E grandinan a gosa un mundu!

WILLEMSTAD- Djárason ultimo un tim di KFC a bishitá departamento Guyaba di Fundashon Birgen di Rosario Habaai. Tabata pa un okashon spesial na unda ku a hasi entrega di un gesto chikitu na e grandinan residensiá na e kas di kuido. Sra. Irena Karaman, General Manager di KFC  ta komentá, “No mester tin un motibu spesífiko, ni un dia spesífiko pa selebrá bida. KFC ta masha kontentu di por kontribuí na Fundashon Birgen di Rosario i ta spera ku e grandinan disfrutá di nan almuerso.”  Sr. Randy Maurera tambe tabata presente durante di e bishita na e kas di kuido pa hasi entrega di e trit spesial aki. E grandinan a risibí e delisioso ‘original chicken’ di KFC kompañá pa su batata. Tabata un momentu di goso ora ku e tim di KFC a drenta departamento Guyaba na Habaai ku tur e ‘bucket’(nan) koló kòrá ku blanku!