WILLEMSTAD – Direktiva  ta manda palabranan di felisitashon, pero tambe di forsa i sabiduria na su miembro Gilbert “Gibi” Doran ku djamars mainta un biaha mas a keda huramentá komo representante di nos pueblo den Parlamentu.

Pa AMAK ta un honor ku nos por konta ku un miembro prominente  di nos organisashon por ta okupá un funshon asina importante aki i nos ta sigur ku e lo sa di hasi e bon trabou ku el a bin ta hasi for di 2017 den Parlamentu na interes di e pais aki.

Sr. Gibi Doran, AMAK i Músikonan di Kòrsou ta orguyoso ku bo i sigui defendé nos kultura i gremio manera bo a bin ta hasi ku asina tantu dedikashon. Un biaha mas éksito i hopi sabiduria.

Direktiva di AMAK