Diasabra dia 4 di Januari training a cuminsa na Brazil Taekwondo Stichting y e training a cuminsa na Grape Field. Cliffod Rasmijn a hiba e training cu e meta cu e team di TK5 mester ta cla pa Suriname. E team di TK5 ta consisti di e siguiente atletanan; Rasheed Lowe di Brazil Taekwondo Stichting, Cleff Dede di San Nicolas Taekwondo Center, Samuel Jones di San Nicolas Taekwondo Center, Jonathan Baez di Noord Taekwondo Center y Justin Arrindell di Brazil Taekwondo Stichting. Clifford Rasmijn lo coach e team di Aruba na Suriname y Grand Master Chaco Jose Cornelio lo bay ta e referee internacional na Suriname. Training a cuminsa na e anker cu warming up pa despues core bay te na final di Grape Field bin bek na unda cu Clifford Rasmijn a laganan haci varios ehercicio. Na final di e parti di e ehercicio nan mester a core pa e ultimo biaha bay direccion di Colony na unda cu e bus a busca tur mucha pa despues hibanan cas. E team cu ta bayendo Suriname ta bay train tur dia pa asina ta bon prepara pa Suriname. Tur diasabra e team lo train hunto pa asina wordo bon instrui. E aña aki tin mas pais ta participando na e TK5 aki na Suriname y Aruba su team di TK5 tin un meta pa bin cu e copa Aruba.