Klèsh den Bario

Un obra sosial humorístiko skirbí i dirigí pa Albert Schoobaar
Na Tele Curaçao, Djadumingu 21 Febrüari- 9.00 PM
Lo sigui tambe transmishon na TV Direct i Nos Pais TV.

Ku aktuashon di: Dudy Pinedo, Jessica Damon, Norma Cova, Dianaila Nersicio, Crisen Schorea, Lilimar Valencia, Argenis Doran, Jordienne Martis, Miguel Salas, Cindy Brigitha huntu ku Ompi Tio riba barí.

Klèsh den Bario!
Kòrsou ta pará na un momento di skohé: Nos mes por òf mester baha kabes tuma yudansa numa?
Den un bario aki na Kòrsou, ora kos ta hopi malu, un grupo di hende ku a pèrde kasi tur kos ta pone kabes huntu, forma nan mes bibá huntu den un skol bandoná, bou di guía di Pika. Un muhé balente, ku kurashi ku ke yuda tur hende bai dilanti. Tiki tiki nan ta krea nan komunidat solidario ku otro, i nan ta pone nan mes plan sosial riba papel: tuma desaroyo den nan mes man. Nan mes ke hisa manga di kamisa pa planta, krea i asina salba nan mes.

Pero sigun nan bisiña Aura, presidente di komishon di bario nobo, kos por bai hopi mas miho si habitantenan di bario sigui su strategia. Su plan. Su vishon moderno i profeshonal: un invershonista djafó ku hopi plaka. Pasombra, pa “papia bèrdat”, nos mes hendenan so no por.
Awel, ta Klèsh den Bario!

Transmishon na televishon
Na aña 2018 Albert Schoobaar a lanta Fundashon Teatro Bulabanda ku e meta pa traha obranan di teater di nivel haltu basá riba realidat sosial di nos isla. Despues di traha na formashon di algun hobén den Albert Schoobaar a kuminsá skirbi e promé obra pa Teatro Bulabanda ‘Klèsh den Bario’ i den 2020 ensayo a kuminsá. Medidanan kontra Covid a pone ku no por a presentá pa públiko i pa e motibu ei a graba ‘Klèsh den Bario’ pa pasa pa públiko. Awor mas ku nunka ta un plaser pa nos por regala pueblo di Kòrsou e obra akí djadumingu 20 di Febrüari 9.00 PM na Tele Curaçao. Octavio Curiël a guía e grabashon.
Despues lo transmití tambe na TV Direct i Nos Pais TV.
Teatro Bulabanda ta dediká su obra Klèsh den Bario! na Ariadne Faries (1968-2020), amante di teater.

Sostén pa Klesh den Bario
Teatro Bulabanda tin posibilidat di ofresé tur hende e obra akí danki na sostén finansiero di Bank Giro Loterijfonds i Fonds Podiumkunsten na Hulanda, i di Prins Bernhard Cultuurfonds Carbisch Gebied, Reda Sosial i Kooyman.
Pa mas informashon bishitá https://www.facebook.com/Teatro-Bulabanda-2325066151105216