Our Vibe is Our Tribe

WILLEMSTAD/ Ounke ku Kòrsou a selebrá un temporada di karnaval ahustá e aña aki, grupo di karnaval Alo Loko a sigui traha tras di kortina pa garantisá ku Karnaval 2022 lo ta un paréntesis pa e grupo i tur su miembronan. Tambe, Alo Loko ta anunsiá ku pa Karnaval 2022 a instalá un tim di maneho i direktiva nobo ku for di awor adelante lo tuma timon di e grupo di karnaval. E tim nobo ta kompartí e vishon i mishon ku e grupo a keda funda kuné: Bon servisio, i Bon Ambiente!

Grupo di karnaval Alo Loko a keda fundá na aña 2018 dor di Kenley Jansen, un Yu di Kòrsou profeshonal profilando manera tur hende sá den Major League Baseball.  Na 2019 Alo Loko a partisipá pa promé bes na Gran Marcha. Un grupo sumamente animá i ambientoso, i ku ta duna honor na su nòmber. Ademas, nan tin ICONS komo nan banda di kas! Partisipashon na karnaval 2019 i 2020 tabata un éksito rotundo; e grupo ta konsiderá 2021 un aña di preparashon pa 2022 i desaroyo pa futuro. Dia 16 di febrüari próksimo Alo Loko lo lansa nan logo, website, i slogan nobo i ta anunsiá e di dos banda ku lo djòin pa karnaval 2022 den un LIVE STREAM grátis pa Kòrsou! Esaki mesora ta duna inisio na un trayekto nobo pa e grupo. Awe ta anunsiá tim di maneho i direktiva nobo miéntras ta mustra e logo nobo tambe, na unda por mira klaramente ku a kambia e ‘C’ pa un ‘K’. Ántes, Alo Loco i awendia Alo Loko!

Registrá i Konfirmá:

Ta hasi un petishon na tur miembro eksistente di Alo Loko pa registrá di nobo i konfirmá nan partisipashon na Karnaval 2022. Tur miembro eksistente lo risibí 10% di deskuento riba nan trahe ora ku hasi un re-registrashon. Tur miembro nobo lo mester paga 50 florin di inskripshon. TUMA NOTA: ta importante pa komo miembro eksistente bolbe registrá, pa risibí e 10% di deskuento. Pa informashon òf registrashon di ‘Road and Float’ VIP por Whatsapp: 521.4723 i pa informashon òf registrashon General por Whatsapp: 697.7836/ 684.2577/ 689.9501 Follow the good vibes i sigui Alo Loko riba Facebook/Instagram @alolokocuracao!