Willemstad –  Apesar ku Korsou ta den gara di elekshon 2021, International Beauty and Fashion Foundation ta kla pa presenta otro magno evento di beyesa hubenil di Korsou, Miss Curacao Teenager 2020.

Tur kos ta kla pa djasabra awor Korsou disfruta di nos 8 beyesanan di hubentud riba esenario ku un tremendo produkshon hinka den otro, ku e titulo ‘1001 anochi arabe’. Trajenan espektakular, baile, musika I beyesa lo domina e esenario di hubentud.

Rigène Isenia, Daïsha Jansen, Liyanne Hoevertsz, Danila Magdalena, Cyara Bazoer, Nàtania Dolorita, Marlen Ignacio, Chelsea Valies, huntu ku Scarlet Zalm I T’Keyah Eugenio, nos Miss Curacao Teenager 2019 ta invita pueblo di Korsou pa kumpra bo karchi pa bo tambe disfruta. Karchinan ta optenibel serka nos 8 partisipantenan na balor di 65,- florin.

E tranmishon lo start 7or anochi for di PWFC Multi Functional Center I tur ku kumpra nan karchi lo disfruta di un bunita show I tambe artistanan lokal huntu ku nos beyesanan.

I.B.F.F. ke yama un danki na kada un di e sponsornan ku a sa di sigui kere den I.B.F.F. apesar di e tempu difisil ku nos a I ta pasando aden. Un danki di kurason na: Revlon, Cspirit, Leo sound and lighting, Nestor Zavarce, Chilbert Catering, Krus Kòrá Kòrsou, Geonella Sandries, Inspiracion Curaçao, Ruchandry Straker, LAPD Curaçao, Obelysque, Royal Rentals, Tv Dirèct kanal 13, Skin Beauty Center Curaçao i SH social media. Danki na nomber di hubentud pa boso aporte.