Di parti Amak nos lo kier trese e siguiente aklarashon relashoná ku e publikashonnan awe mainta riba Ret Sosial.

Na Curacao Festival Center tabatin un ensayo, relashoná ku preparashonnan pa e Tumba Revival Festival 2021.

Den reunion di djasabra entre Amak i Funkshonarionan di gobièrnu, a bin un proposishon dilanti, pa laga e miembronan di orkesta pasa un tèst di Covid -19.

Dr.Izy Gesrtenbluth a pidi pa e mes bin splika e motibunan pakiko ta importante pa pas e tèst.

1. Dr Izzy Gerstenbluth no a bin para ningun ensayo.

Su presensia tabata, pa splika  e miembronan di e orkesta bou di direkshon di Maestro Gregory Colina, e motibunan ku tur e músikonan mester pasa e tèst, pa di e forma ey garantisá, ku e evento ta tuma lugar na un manera seif.

• Komo ta trata aki di un medida ku e tim di krisis a anunsiá na último momento, esey a kousa resistensia seka e miembronan di e orkesta. Nan ta di opinion, ta di kon a pèrmití eventonan tuma lugar durante dianan di fiesta na un planta lokal, den un espasio chikí aire -kondishoná, i awor ku tin un espasio 10 x mas grandi den aire liber, ta pone tipo di eksigensianan asina ki den korto tempu.
• Enberdat na prinsipio tabatin diskushonnan fuerte, pero na final partidonan, den un ambiente mas trankil a trata na yega na sierto palabrashonnan.
• Amak , djaluna den oranan tempran, lo trata na yega na un solushon definitivo pa kontinuashon di Tumba Revival Festival.