Djadumingu binidero pakusnan den Punda lo ta habrí di 10am pa 2pm pa hasi bo último komprasnan pa Pasku. Despues di e ‘blackout’ ku tambe a afekta Punda siman pasa, komèrsio di Punda ta habrí pa duna servisio na tur su bishitantenan. No lubida ku djadumingu parkeo ta gratis.  

Probecha tambe riba e dia aki di speshalnan di Fun Miles na tur pakus i restòrant nan partisipante. E promo team di Fun Miles lo tei presente partiendo premionan manera èkstra Fun Miles, Fun Goodies i mas.

Tur komersiante di Punda ta sigui regla di higiena estrikto pa garantisá  ku bishitante nan por gosa di Punda sin ningun preokupashon.