WILLEMSTAD – Siman pasá Nutricia, ENNIA i Fun Miles a hasi un donashon di alimentashon di beibi i d’infantil na balor di f 1.100 na Stichting Shimaruku, un fundashon ku a empeñá pa entre otro kuminda, hasimentu di deporte i otro eventonan pa muchanan den bario di Seri Papaya na Kòrsou.

Durante e kampaña di Luna di Beibi di Nutricia den òktober pasá, e partisipantenan na e Quiz di Beibi tabatin mag di skohe pa keda ku e Fun Miles nan mes óf pa hasi donashon di esaki na Stichting Shimaruku.

Nutricia, ENNIA i Fun Miles a dòbel e kantidat di Fun Miles total duná na Stichting Shimaruku i a entregá nan na forma di produktonan di Nutricia na e fundashon aki. Na tur a kolektá 21.400 Fun Miles.

Stichting Shimaruku a anunsiá di a keda masha kontentu ku e donashon aki. Den tempu ku no ta bai bastante bon ku e ekonomia di Kòrsou, ta hopi importante ku muchanan ta kome bon, no solamente pa motibu d’e kapasidat di resistensia, pero tambe p’un kapasidat di konsentrashon ku ta yuda ku e siñamentu. E fundashon ta bai parti e kuminda di donashon na e muchanan den e bario den kurso di desèmber aki i yanüari e aña ku ta bini.