Djasabra 21 di novèmber 2020:  32 Aspirant- Brigadier kompaña ku algun lider di Brigada di Seguridat i Formashon(BSF) tabata na Brasami pa duna un man na nos komunidat.

E programashon di Brigada di Seguridat i Formashon ta hinka di tal forma kaminda ta eduká hóben pa ta di servisio. Duna un man na esnan ku mas mester. Esaki ta duna e hóben empatia pa ku otro. E aspirant-brigadier nan a bishitá i duna un man na Brasami komo un di nan trabounan komunitario pa e aña aki.

E trabou a kuminsa mitar di nuebe en punto kaminda nan a kuminsa dasalohá un di e edifisionan na Brasami, sakando tur e muebles i aparatonan ku ta kibrá òf no ta funshoná. Riba e potrèt por mira e peloton den akshon. 

Miembro nan di Brigada di Seguridat I Formashon ta risibí formashon físiko i mental pa asina kumpli ku e tarea prinsipal kual ta yuda vigilá seguridat di mucha i hóben. E formashon lo kumpli tambe ku formahson personal di kada miembro paso disiplina i moral mester ta haltu Pero tambe ta kere den forma e hóben pa ta un siudadano ehemplar i servisial esaki pa medio di trabounan boluntario.

Esaki sigur no ta e último bia ku e hóbennan lo duna un man na nos komunidat pa medio di trabounan komunitario