Ban sigui vota pa Kòrsou!

WILLEMSTAD- Manera informá resientemente Kòrsou ta un di e nominadonan den e kategoria ‘Best Caribbean Island’ di ‘10 Best Readers Choice Awards’. Un komishon di eksperto a selektá Kòrsou komo kompetidor den e kategoria menshoná. E kompetensia ta wòrdu promové dor di USA TODAY i ta duna oportunidat pa vota pa un di e destinashonnan nominá. Bai riba www.VoteforCuracao.com i sigui vota pa nos dushi isla Kòrsou. Ku grato plaser nos por informá ku Kòrsou na e momentunan aki ta na di 2 lugá pa por gana e titulo máksimo. Tras di Kòrsou ta sigui respektivamente Dominca, St. Maarten i Grenada. Puerto Rico te na e momentunan aki ta na promé lugá. Ofisina di Turismo di Kòrsou (CTB) ta invitá pueblo di Kòrsou pa ban sigui vota pa Kòrsou. Por vota te ku djaluna awor dia 6 di yanüari 2014. Kada persona por vota 1 biaha pa dia. E ganador lo wòrdu anunsiá riba e websáit http://www.10best.com/awards/travel/best-caribbean-island/ dia 8 di yanüari i despues tambe den USA TODAY. CTB ta konta ku bo voto pa asina Kòrsou konkista e puesto máksimo. Ban sigui vota pa Kòrsou!