Fun Miles i su partnernan ta lansa espektakular kampaña di fin di aña

WILLEMSTAD –E fin di aña aki bo tin chèns di gana un Chevrolet Beat, 2 pasashi ku TUI, 100,000 Fun Miles, estadia den hotèl, i hopi premio mas! Tur esaki den The Fun Lottery, e kampaña espektakular di fin di aña, di Fun Miles i su partnernan. Partisipashon ta masha fásil. Miembronan registrá ku hasi nan kompra na partnernan di Fun Miles partisipante, lo risibí un òf mas lò. E montante ta varia serka kada partner. Mester yena bo number di karchi di Fun Miles riba e lòtnan, i depositá esaki den e buzonnan spesial ku tin den e establesimentu. E sorteo di The Fun Lottery lo tuma lugá na fin di yanüari 2021. Reglanan di kampaña i un lista kompletu di e premionan por wòrdu hañá riba funmiles.net/curacao/funlottery.

Un outo i hopi otro premio espektakular

E pakete di premio ta simplemente impreshonante. E aña aki, e premio mayó ta un Chevrolet Beat, un outo ku ta kombiná un estilo úniko ku ‘fun’ i ta ekonómiko na gasolin, inkluyendo un seguro di outo di ENNIA pa 1 aña largu i tambe un gift voucher di ASOgas. Otro premionan ta inkluí 100,000 Fun Miles i 2 pasashi ida i buèlta pa Hulanda ku TUI. Adishonalmente, tin hopi gift voucher ku por wòrdu ganá, na entre otro Van der Tweel Supermarket, ASOgas, Changes, ProSport, FeetFirst, Super Retail, i Bob Carwash. Betonindustrie Brievengat lo regalá 50m2 di klenku kompletamente instalá. Adishonalmente miembronan tin chèns di gana estadia den hotèl na ACOYA, Marriott i Terra Boutique Hotel i un tratamentu di masashi i miembresia di gym na Avila, meskos tambe un trep ‘all-inclusive’ riba katamaran ku Dive Division.

Kòrda: únikamente miembronan registrá di Fun Miles por gana

Pa keda ku chèns di gana e premionan fantástiko ku tin den Fun Lottery, e miembro mester ta registrá. Si bo ta un kliente ku nunka a registrá bo karchi di Fun Miles, esaki ta e momentu! Bishita funmiles.net, i klik LOGIN/SIGN UP, klik CREATE ACCOUNT NOW i sigui e pasonan fásil. Registrashon ta kompletamente grátis i lo no tuma mas ku algun minüt.

Tokante Fun Miles

Fun Miles ta e programa di rekompensa na kliente mas grandi den Karibe. Miembronan di Fun Miles ta disfrutá kontinuamente di ofertanan spesial, promoshonnan fun i kampañanan pa gana premio. Esun ku no pèrdè nada ta wòrdu rekomendá pa sigui Fun Miles riba , bishita funmiles.net i pa download e app grátis di Fun Miles.

Mas informashon tokante Fun Miles?

Tuma kontakto ku servisio na kliente na number 465 3300 òf bishitá funmiles.net òf facebook.com/funmiles.