Awe nochi 7or riba plataforma digital di Korant Extra

WILLEMSTAD.- Despues dje eksitoso prome episodio di ‘Louie Louie Talks’ riba e plataforma digital di korant EXTRA, awe nochi 7or lo tin presentashon di e di dos episodio. Awe nochi Sr. Manfred ‘Feco’ Gomes lo ta e invitado.

Un entrevista interesante kaminda Feco lo komparti su pensamentunan riba e proseso pa habri farandula bek.

Preguntanan riba AMAK komo organisashon tambe lo keda hasi meskos riba e relashon entre AMAK i e organisashon UdA, Union di Artista. Feco lo splika tambe dikon a pospone Premio Edgar Supriano i e reunion anual di AMAK. Pa Festival di Tumba AMAK tin un plan i splikashon di esaki tambe lo keda duna durante di ‘Louie Louie Talks’.

E kombersashon ku ‘Feco’ Gomes di awe nochi no ta kos di perde.

Louie Louie Talks ta keda transmiti riba e plataforma digital di Korant Extra: pagina di facebook: extracuracao i tambe riba e kanal di YouTube di Extra: extracuracao.

No perde e di dos edishon di ‘Louie Louie Talks’!.