WILLEMSTAD: Riba djabièrnè 23- i djasabra 24 di òktober pa 8’or di anochi, Digicel lo presentá e konsierto ‘One Love Together’ ku presentashon di numeroso artista ekstraordinario for di rònt Karibe, Afrika, Asia Pasífiko i mas. Esaki den selebrashon di Digicel su re-lansamentu komo un operador digital i posishonamentu di e lema Huntu mas mihó. Artistanan lo presentá riba esenario virtual di D’Music pa un wikènt di entretenimento i karidat. E lo ta un ‘live stream’ riba D’Music , miéntras por mir’e tambe riba Facebook i Digicel su retnan social.
Esnan ku mira e konsierto ‘One Love Together’ lo keda enkurashá pa hasi un donashon chikitu, na lugá di paga un entrada pa e konsierto. E donashon aki lo benefisiá e proyektonan ku lo proveé muchanan di ménos rekurso, ku ‘tablets’ i akseso na internèt. Por hasi un kontribushon via di Paymaster: www.digicelgroup.com/onelove
CEO di Digicel, Roeland van der Hoeven a bisa: “Akseso universal na un bon edukashon nunka tabata asina importante manera awor. Debí na e pandemia Covid-19, nos a mira un kresementu masivo pa lèsnan ‘online’ den tur nos merkadonan, hasiendo ‘klasnan virtual’ e normal nobo. Nos ke purba sera e divishon digital ku aktualmente tin, rekoudando fondo i kreando konsiensia pa proveé muchanan ku ‘tablets’, i akseso na internèt den komunidatnan mas vulnerabel.”
ZJ Sparks di Jamaica i Barrie Hype di St. Lucia lo ta anfitrion di e konsierto ku lo figurá presentashon di artistanan popular di reggae Stephen Marley huntu ku nos propio artistanan Dibo D i Ataniro, i otro músikonan inkluyendo, Bounty Killer, Beenie Man, J Boog, Pato Ranking i Patrice Roberts.
Roeland van der Hoeven, a agregá, “Pa mira e konsierto, mester djis download D’Music òf bishitá nos página di Facebook i prepará bo mes pa un tremendo anochi! Enrealidat- hasié dos anochi! Ku asina tantu tremendo artista sosteniendo e kousa, nos mester a repartí e konsierto den dos anochi. Despues di e konsierto, bo por ‘stream’ músika di bo artistanan faborito ku D’Music, mira ‘highlights’ riba Digicel su página di Facebook, i lesa mas detaye riba Loop.”