WILLEMSTAD/ DECEMBER 2013:- Alegria inmenso! Shurendell Maria ta sera aña ganando e premio ‘gordo’ den e kampaña di Digicel Kòrsou, Nafl 20,000 kèsh! For di momentu ku a anunsiá e kampaña di Fin di Aña “Brighten Someone’s Christmas” ya tur hende por a kuminsá sinti ku lo tin un yobida di premio! Na víspera di Pasku a anunsiá tur ganador final den e kampaña, antisipando e ganador apsoluto di e Nafl 20,000 den e Saka di Papa Pasku. Djaluna dia 23 di desèmber e 6 finalistanan a hasi e búskeda di Nafl. 20,000- despues di risibí e promé ‘tip’ e di dos ‘tip’ lo hiba nan e trayekto pa buska e saku. Nan lo mester a kompletá un seri di charada di kual e kontestanan korekto lo hiba nan na e sitio kaminda e saku ta skondí. E promé persona pa haña e ‘Saku di Papa Pasku’ lo resultá e ganador. Shurendell Maria, a deskubrí e Saku di Papa Pasku na Fort Nassau! Huntu ku un amigu, e’la desifrá tur charada pa finalmente gana e montante di 20,000 florin den e kampaña. Tabata alrededor di 2’or di mèrdia ku nan a yega bèk na Digicel Biesheuvel ku e saku den man, bou di gritu di alegria pa risibí nan premio. Digicel ta felisitá tur otro ganador den e kampaña, spesialmente e otro 5 finalistanan ku tambe a partisipá pa e 20,000 florin: Denise Trenidat. Shirleyvienne Maduro, Dennis Mercelina, Dahyanahra Edwards i Tamara Seintje. Relashonista públiko pa Digicel Kòrsou, Thessa Fleming a finalisá bisando “Imaginábu gana Nafl. 20,000 dor di partisipá na un promoshon di SMS, esei tabata e suerte di Shurendell Maria. Ta invitá klientenan pa sigui partisipá aktivamente na e promoshonnan di Digicel i gana premionan atraktivo. Digicel ta deseá henter pueblo di Kòrsou felis kambio di aña. Ban sigui traha huntu pa un mihó Kòrsou”.