Djadumingu dia 23 di ougustes último a tuma lugá presentashon ofisial di e 7 kandidatanan di Curaçao International Crowned Queens ku ta partisipando pa Miss Teen International Curaçao 2020 i tambe elekshon di Miss Teen Press na Roosevelt Events.
E evento, teniendo kuenta ku reglanan di distansha sosial na bienestar di tantu e partisipantenan komo públiko, tabata un televisá sin públiko. Grupo di baile D’Art i Stevens Daniel tabata esnan den e parti di show.
E partisipantenan na e sertamen, segun nan numerashon ofisial, ta:
- Suenthely Henriette
- Gilyen Martha
- Yulis-Leidy Balentien
- Da-Xia’N Philipa
- Kimberly Acosta
- Ruviënné Otto
- Ma-eezja Martis Prins
E aña aki tambe e partisipantenan lo hasi un proyekto pa komunidat, kua lo keda hasí huntu ku Fundashon Pro Bista.
Miss Teen Press Curaçao International 2020, a resultá partisipante number 7, Ma-eezja Martis Prins.
Por sigui tur desaroyo tokante e sertamen aki via di e página di Facebook di Curaçao International Crowned Queens(www.facebook.com/curacaointernationalcrownedqueens), unda aktualmente por vota pa Miss Internet 2020, i tambe su Instagrram (@missteencuracaointl). Tur partisipante tambe tin nan propio página di Facebook!