WILLEMSTAD –Ku antiano i rubiano gusta baila riba tur ritmo,  ta algu ku ta konosi. Pero nos tin un luga spesial pa e ritmo kompa i kadans, popularisa pa e banda Kassav, un di e pioneronan di e genero. Kantante i kompositor Stanley Clementina, tambe a keda inspira pa e grandinan di e genero, pero a agrega su mes sabor na kompa, dor di kant’e na entre otro papiamentu.

 Clementina ta e uniko graduado antiano ku a gradua ku dos diploma na un konservatorio hulandes, spesifikamente den Kanto Pop i Guitara Bas pa Musika Mundial. Pues Clementina su versalidat musikal ta bin dilanti ku kada komposishon ku e deleita nos ku n’e. Resientemente Clementina a saka e kantika ‘Quarantaine’  ku su banda di kompa, C-SHAW, unda diferente influensia Karibense musikal ta keda kombina i e resultado ta un ritmo infekstioso. Tambe e bunitesa di nos idioma papiamentu, kombina ku spaño, ingles i fransés ta keda ilustra.

‘KOMPRONDE’

E tema di ‘KOMPRONDE’ ta trata un relashon ku a bin na su fin pa motibu di sirkunstansianan di bida i unda mester laga un amor bai pa esaki por ta felis. Clementina a saka e inspirashon pa ‘KOMPRONDE’ fo’i eksperensia di varios persona ront di dje i ta bolbe usa kompa komo vehikulo musikal. Den e videoclip di ‘KOMPRONDE’, e talentoso kantante i aktris di Cabo Verde, Jeryh Luz,  ta figura komo protagonista prinsipal i Darren Gardner, e talentoso direktor di Gardner Creations, a dirigi e klip. Manera nos a bin ta kustumbra di Clementina, ela skibi, kompone i aregla ‘KOMPRONDE’. 

 Pa motibu di COVID- 19, Clementina ta hasi algu diferente pa lansa ‘KOMPRONDE’, teniendo kuenta ku distansia sosial ku nos tur mester atene na dje. Pronto  Clementina ta bai tene diferente ‘launch party’ virtual, riba plataformanan sosial popular manera Facebook i Instagram. Aki diferente artista amigu lo join e bon ambiente huntu ku tur fanatiko di Clementina pa e enkuentronan virtual. Tambe Clementina i su amigunan lo rifa diferente premio di insentivo pa su fanatikonan.  Pa sa ken tur lo forma parti di e ambiente, chèk e página sosial di Stanley Clementina na Facebook.com/StanleyAcoustic i Instagram @stanley clementina.

‘KOMPRONDE’ ta riba YouTube: