Awe, 19 di ougùstùs, e sorteo pa e buèlta preliminar di Mundial di FIFA Quatar 2022 a tuma lugá na Zurich, Suisa. Manera ya ta konosí, nos selekshon a terminá komo un di e mihónan di su grupo durante Nations League i ta enkabesá su grupo huntu ku e 5 otro paisnan ku tambe ta na kabes di un grupo. Durante e sorteo aki e diferente gruponan ku lo kompetí den e buèlta preliminar di Mundial di FIFA Quatar 2022 a bira konosí.

Un total di 30 pais a keda repartí den 6 grupo di 5 pais i esakinan ta lo siguiente;

Grupo A: El Salvador, Antigua & Barbuda, Grenada, Montserrat ku U.S. Virgin Islands

Grupo B: Canada, Sürnam, Bermuda, Cayman Islands ku Aruba

Grupo C: Kòrsou, Guatemala, St Vincent & The Grenadines, Cuba ku British Virgin Islands

Grupo D: Panama, Republika Dominikana, Barbados, Dominica ku Anguilla

Grupo E: Haiti, Nicaragua, Belize, St. Lucia, ku Turk & Caicos Islands

Grupo F: Trinidad & Tobago, St. Kitts & Nevis, Guyana, Puerto Rico ku Bahamas

Nos lo hunga 4 partido (afó ku na kas) i nan lo tuma lugá durante e kalendario di FIFA den luna di òktober ku novèmber 2020.

Skema di nos weganan:

	Fecha	Tim di kas		Bishitante	Stadion
1	08-10-2020	Kòrsou	vs	St Vincent & The Grenadines	SDK
2	11-10-2020	Cuba	vs	Kòrsou	–
3	14-11-2020	British Virgin Islands	vs	Kòrsou	–
4	17-11-2020	Kòrsou	vs	Guatemala	SDK

E ganadó di kada grupo lo klasifiká pa e segundo buèlta. Nos selekshon tin kompromisonan sumamente importante na kaminda i nos hungadónan ta konta ku bo, komo e di 12 hungadó,

pa sigui apoyá i sostené nan!

Keda pendiente pa mas informashon…