WILLEMSTAD – Direktiva di AMAK  pa medio di esaki,  konhuntamente ku famianan  di e baluarte musikal Richinel Babalu Kerindongo, kier partisipá, ku djadumingu próksimo, 26 di yüli  lo tene un homenahe musikal  póstumo., dediká na e gran baluarte Pa e okashon aki,. e agrupashon musikal Bess, formá pa algun músiko di e konstelashon musikal di e tempu ey, lo interpretá  algun número di  mas popular, ku Babalu a kanta den su tempu di gloria.

E aktividat aki lo tuma lugar den hòfi Popo Rojer na Barber entre 10’or pa 12’or a.m

Na e okashon aki tambe tin oportunidat pa duna kondolensia na e famia.

Kisas ta bon pa esnan ku ta keda durante henter e seremonia, bin ku un stul, ya ku e kantidat di stul lo ta limitá.

E kremashon ya a tuma lugar na República Dominicana, i e restunan lo yega Kòrsou próksimamente.

E programa  lo konsisti di algun diskurso i un orashon , sigui pa e parti musikal, durante kua,Eddy Mar lo presentá algun número, pa despues e orkesta “Bess” toka den e parti final.

Direktiva di Amak ta konbensí ku pueblo di Kòrsou, espesialmente , esnan di Banda abou, lo tei presente, pa bin rindi homenahe na nos gran Babalu, ku lamentablemente no ta ku nos mas.

Direktiva di Amak

Manfred feko Gomes