WILLEMSTAD: E tarheta di débito Mastercard di Banco di Caribe ta realmente úniko. No solamente pa su diseño, pero tambe pa su opshonnan di pago ku ta ofresé un eksperensia bankario nobo. Un ehèmpel ta e posibilidat pa paga kompranan ku bo hasi online via di un ‘web shop’ ku bo tarheta di débito. Pa e transakshon aki ta debitá bo kuenta koriente direktamente. Pa por usa e opshon di Pago Online ku bo tarheta di débito, mester apliká teniendo kuenta ku tur e kondishonnan di uso.

Apliká pa Pago Online ku bo tarheta di débito

E tarheta di débito Mastercard ta ofresé e posibilidat di hasi kompra via ‘web shop’. E opshon di Pago Online ku bo tarheta di débito ta konektá direktamente na un kuenta koriente. Klientenan ku ta deseá di hasi uso di e opshon di pago aki, mester apliká.  Pa por apliká, mester manda un mensahe via di BdC Online, yena e formulario online riba www.bancodicaribe.com òf bishitá e filial di Banco di Caribe mas serka i kompletá e formulario di Mastercard Debit personalmente. Mester traha un sita promé ku pasa na un di nos filialnan.

Unda por us’é

Por usa e opshon di Pago Online ku bo tarheta di débito Mastercard tur kaminda ku Mastercard Debit ta keda aseptá online. Importante ta pa bo tin e fondonan disponibel riba bo kuenta koriente pa e pago por pasa. Esaki konforme e límite aprobá pa banko.

Bo no a risibí e tarheta di débito nobo ainda?

Entretantu, a kuminsá ku distribushon di e tarheta di débito nobo. Klientenan ku ta usando un tarheta di débito bálido ta risibí e tarheta di débito Mastercard nobo via pòst na e adrès ku ta registrá na banko. Klientenan ku resientemente a apliká pa un tarheta di débito ta risibiendo un yamada di un representante di banko pa por pasa buska e tarheta nobo. Pa mas informashon por konsultá e sekshon di pregunta i kontesta rápido  riba www.bancodicaribe.com, Ademas, por yama 432 3555, un liña di telefon spesial pa tur detaye relashoná ku Banco di Caribe su tarheta di débito nobo.