Konekshon di internèt ta indispensabel

Kralendijk: Digicel Bonaire ta anunsiá  ku hopi plaser ku  e la bin na remarke pa haña supsidio temporal pa tur usuario di Internet fiho (vaste internetverbinding) serka “Ministerie van Economische Zaken & Klimaat” di Hulanda.

E supsidio temporal aki ta enkonekshon  ku Covid-19 i  lo ta vigente entrante 1 di mei 2020 te ku fin di desèmber 2020. Usuarionan  di Internet fiho lo haña un rebaho  di $ 25 riba nan faktura durante e luna ariba menshoná.

Lina Pereira Marketing Manager pa Digicel Boneiru ta indiká ku esaki ta un desaroyo hopi positivo i sigur un notisia alentador pa usuarionan di Digicel.  “Ta nos meta pa semper duna e usuario di Digicel mas balor pa su sèn ofresiendo un pakete total di servisio na unda ta inkluí e mihó tarifanan, servisio, konektividat, data i entretenimento. E efektonan di Covid-19 por wòrdu sintí den e kas di famia na Boneiru tambe, pues un redukshon di $25 pa konekshon di internèt fiho sigur lo ta na benefisio di e usuario”.