WILLEMSTAD:  Banco di Caribe ta anunsiá ku penshonadonan por kobra nan penshon di SVB dia 29 di mei, 2020. Un bes mas ta apelá na tur penshonado ku tin un tarheta di débito pa hasi uso di un di e ATMnan di Banco di Caribe stratégikamente situá riba nos isla pa kobra nan penshon. Den kaso ku e kliente no tin un tarheta di débito, por pasa kobra e penshon dia 29 di mei na filial di Saliña, Sta. Maria òf Otrobanda entre 8’or di mainta i 4’or di atardi i na nos filial na Sambil di 10’or di mainta pa 5’or di atardi.Tur servisio, ku eksepshon di servisio na kaha, ta rekerí un sita.

Ta kòrda tur kliente ku por regla asuntunan bankario ‘online’. Por apliká pa un fiansa, tarheta di débito òf krédito, MultiCard, servisio di SMS Alert òf BdC Online riba www.bancodicaribe.com. Tur esnan ku lo mester di asistensia personal por manda un email na info@bancodicaribe.com pa hasi un sita. Tuma nota ku únikamente e filial na Saliña i Sta. Maria ta asistí pa sitanan di fiansa, tarheta di débito òf krédito i otro servisionan ya kustumbrá. Banco di Caribe ta suprayá ku e medidanan relashoná ku COVID-19 ta keda vigente den tur filial. Pa mas informashon por yama departamento di servisio na kliente di Banco di Caribe na telefòn 432 3200 di djaluna pa djabièrnè entre 8’or di mainta i 5’or di atardi.