Willemstad: Na komienso di Aprel 2020, Digicel a anunsiá algun aktividat di refinansiamentu, ku na momentu ku esaki keda kompletá lo fortifiká su estado finansiero redusiendo su  debe ku 1.7 bion dollar, ekstendiendo e tempu di pago i redusí nos gastunan aktual di finansiamentu.

Despues di e gran sosten di nos kréditornan pa e proposishon risibí, nos ta aktualmente den e proseso atministrativo ku ta keda rekerí. Komo tal, nos ke anunsiá e detayenan di un areglo optené den korte di Bermuda relashoná ku “Digicel Group One Limited”, ku ta puramente un kompania intermediario.

E areglo aki tin sosten di mas ku 97% di Digicel su tenedónan di bono i ta impliká tambe nombramentu di profeshonalnan den e materia (‘voorlopige vereffenaars’) ku di un manera adekuá lo supervisá e implementashon di e areglo.

Ta importante pa suprayá ku e areglo aki no tin niun impakto riba Digicel Kòrsou su operashonnan diario, su empleadonan, proveedónan, klientenan  òf kualke aspekto di nos aktividatnan aktual- tur kos ta business as usual.  Nos lo duna mas informashon na momentu ku tin mas desaroyo.