SELEBRANDO 10 AÑA DI ‘DJIS MI MES’
Rotterdam, 23 aprel 2020 – E evento live ta selebrá e kantika Djis Mi Mes , e poder di músika i e amor i sosten di Levi su fanátikonan.
E hit single Djis Mi Mes , kual ta probablemente Levi Silvanie su kantika di mas popular, ta un kantika ku e no a spera ku lo bira algu asina grandi komo ku e tabata skibi kantika solamente pa ekspresá su mes. Sin embargo, esaki ta e kantika ku a pone Levi riba mapa inesperá. Djis Mi Mes ta e manifestashon di loke Levi ta hasiendo henter su bida: biba progresivo, mientras e ta averiguá ken e ta, i ta e mihó vershon di su mes apesar di e sirkunstansianan. Hasiendo esaki, semper el a sinti un nesesidat profundo pa kompartí. Te ainda e ta sinti esaki: Levi ke selebrá e momentu aki ku bo.
Levi i AFAS Caribbean a bini huntu pa selebrá pa medio di un evento musikal. Esaki lo wòrdu filmá bibu i direkto kaminda Levi lo trese un konsierto ku por wordu eksperensiá riba redanan sosial ku ta inkluí live video chat i un momentu dediká na preguntanan i kontesta entre Levi i su fanátikonan.
Tur loke bo tin mester – bo ta Djis Mi Mes a kambia Levi su bida pa mas mihó, i e ta un rekordatorio konstante di simplemente kon poderoso músika por ta: “te ku e dia djawe hende ta tuma kontakto kumi pa bisami kon e kantika aki a kambia nan bida i kon e ta un motivashon pa wak paden i biba bida lo máksimo. Dor di selebrá 10 aña di Djis Mi Mes, nos ta selebrá presisamente esei: e poder di músika, e amor i sosten ku ta rondoná Djis Mi Mes i prinsipalmente, nos ta selebrá abo, huntu.”
Bin huntu ku Levi djadumingu, 26 di aprel 2020 pa e selebrashon di 10 aña di Djis Mi Mes bibu i direkto riba Facebook, YouTube òf Twitch.
LEVI SILVANIE: LIVE FOR DI ROTTERDAM SELEBRANDO 10 AÑA DI ‘DJIS MI MES’
Luga: Facebook, YouTube, i Twitch Dia: djaluna, 26 di aprel 2020