Samenwerkende Hulporganisaties Curaçao ta sostené Voedselbank

Pa motibu di e plamamentu di COVID-19, Kòrsou ta den un krísis ekonómiko. Pa motibu di e krísis di Corona akí, 50.000 hende ta resultá bou di e márgen di pobresa.

E plataforma di Samenwerkende Hulporganisaties Curaçao a kuminsá un akshon kaminda tur organisashon eksistente ta traha huntu, tanten nan ta keda atendé nan propio retnan. E organisashonnan ku ta traha huntu ta Fundashon Kòrsou Solidario i Duradero, Voedselbank Curaçao, Unidat di Bario Kòrsou, Caritas (Pastoral Social Caritas Willemstad), Aliansa Curaçao i Rotary Club Willemstad.

E meta ta pa entregá pakete di komestibel kaminda ta nesesario, teniendo kuenta ku tur medida ku gobièrnu a tuma pa evitá plamamentu di e vírùs di Corona i hasiendo uso di retnan eksistente ku e diferente organisashonnan tin.

E plataforma ta sostené un relashon estrecho ku ministerio di SOAW kaminda un parti grandi di esnan ku mester di yudansa ta konosí. Esaki ta konta tambe pa e ret di Krus Kòrá i Sentronan di Bario.

Samenwerkende Hulporganisaties Curaçao a kuminsá produsí pakete di komestibel. Djabièrnè 10 di aprel a traha 850 pakete, di kua 500 riba petishon di ministerio di SOAW i 350 pa Samenwerkende Hulporganisaties Curaçao. A distribuí e paketenan akí promé ku Pasku. E liña di produkshon di pakete di komestibel akí ta operashonal awor i lo sigui drai pa e próksimo simannan.

Kon ta apliká pa un pakete di komestibel.

Pa logra un koordinashon optimal tin tres kanal kaminda bo por mèldu pa asistensha:

• Human Right Defense Curacao 696 2523: prinsipalmente pa migrante.
• Voedselbank 529 1919: si bo ta den situashon di nesesidat urgente i bo no tin kuminda.
• Soaw 510 2044: Bo to ta lora ainda, pero e no ta yega.

Voedselbank whatsapp: 529 1919

Esnan ku no ta registrá na SOAW òf otro organisashonnan di asistensha, via Whatsapp por mèldu na Voedselbank pa un pakete di komestibel. E ora ei duna e siguiente datonan di bo persona:

Nos ke puntrabu pa manda e siguiente informashon mas kompletu posibel:
1.      Nòmber.
2.      Fam.
3.      Adrès.
4.      Number di sédula.
5.      Number di telefòn.
6.      Kantidat di persona den kas.
7.      Kantidat di mucha menor di edat den kas.
8.      Un splikashon pakiko mester di yudansa.
9.      Tin onderstand of otro entrada? Si / Nò.

Asina akí e plataforma di Samenwerkende Hulporganisaties Curaçao lo por atendé bo petishon.