WILLEMSTAD:  Pizza Hut ta un di e kompanianan lokal ku ya for di siman pasá a bin ta enfoká riba  e manera kon pa hasi distansiamentu sosial agradabel pa su klientenan. Esaki mes tabata motibu pa introdukshon di ‘delivery’ grátis. Klientenan por hasi pedido di nan pizza òf kualke otro plato riba menú di Pizza Hut, i lo sòru di entregá esaki grátis. Gerensia di Pizza Hut ta komprometé pa tene personal di Pizza Hut salú di manera ku por sigui sirbi komunidat den e tempu desafiante ku nos ta enfrentá. Esaki mes ta hasi ku siman pasá Pizza Hut tambe a aktivá protokòl di prevenshon i prekoushon.

Pidi promé, Buska despues:

Restorantnan di Pizza Hut na Saliña, Sta. Maria i Brievengat ta habri for di 12’or di mèrdia te 8’or di anochi pa duna servisio grátis di ‘delivery’ i ‘take out’. Na momentu di tuma e pedido ‘take out’ ta tene kuenta ku e medida di distansiamentu sosial i ta pidi klientenan pa mantené e distansia rekerí. Pizza Hut ta apelá na tur kliente pa preferiblemente hasi e pedido promé, i despues pasa tum’é di manera ku ora yega na Pizza Hut e pedido ta klá pa bai kuné. Tambe, ta pidi klientenan pa tuma nota ku Pizza Hut Brionplein sí ta será te un próksimo aviso.

Keda kas! Pidi bo pizza ku ‘delivery’ grátis: Pizza Hut na Saliña (461.6161), Sta. Maria (868.8277) i Brievengat (737.2400)- *pedido na balor di mínimo 25 florin. Pa mas informashon, tokante kon Pizza Hut ta atendé ku medidanan di prevenshon den e trayekto di COVID19, i pa promoshon i produktonan por bishitá e página di Facebook https://www.facebook.com/PizzaHutCuracao/ Gerensia di Pizza Hut ta hasi un apelashon na su klientenan i na públiko pa apliká instrukshonnan  riba distansiamentu sosial di Gobièrnu di Kòrsou.