Determiná pa éksito

WILLEMSTAD/ Bauco ta estrená dos kansion den e promé kuartal di 2020, ta trata di un kansion na papiamentu i otro na spañó. E kansion na papiamentu ‘Motivated’ ku presentashon di Jetten i ‘Tu Me Tienes Loco’ na spañó a keda lansá resientemente riba retnan sosial i plataforma di Youtube. Ámbos kansion ta risibiendo e reakshonnan nesesario ku ta permití Bauco mantené su presensia den su género musikal. 

E kansion ‘Motivated’ tin un ángulo ya konosí, sinembargo Bauco ta trese e tópiko dilanti di un manera kompletamente diferente. Bauco a bin ta produsí hopi kansion ku ta enfoká riba perseveransia den un mundu ku tin hopi desafio ekonómiko i sosial. Na otro banda, e kansion ‘Tu Me Tienes Loco’ a keda produsí komo tema musikal pa e vlog di popular modelo lokal Yolanda Smallegange. E piesa ‘Motivated’, di género trap a keda produsí pa Whala miéntras ku ‘Tu Me Tienes Loco’ un reggeaton a keda produsí pa Pastor.

Manera tur hende sá Bauco ta pertenesé na e kas di produkshon Decoded, i pa 80% ta konsentrá riba merkado internashonal. Trabounan a kontinuá, asina por menshoná ku den luna di desèmber 2019 Bauco a figurá riba ‘Te Mentí’ un piesa huntu ku e artista Lirico En La Casa konosí pa diferente hit, entre nan ‘Motorcito’ ku 48 mion views riba Youtube. Pa awòki fanatikonan di Bauco por pidi ámbos piesa, ‘Motivated’ i ‘Tu Me Tienes Loco’ na tur radio emisora i sigui Bauco riba su Instagram/ Facebook/ SnapChat bauco.cr Artistanan di Decoded ta figurá riba e Youtube Channel, Facebook, Instagram i SnapChat @decodedofficial. Por stream e piesanan riba iTunes, Spotify, Tidal i Apple Music tambe. 

Music Video:

Motivated: https://youtu.be/rRcgTeW_dSU

Official Audio:

Tu Me Tienes Locohttps://youtu.be/-iBBkNO_IVM

Danki pa e Love i Support,