Mirando e krisis internashonal ku ta eskalando pa motibu di Coronavirus Fundashon Bon Intenshon i Mojo Concerts lamentablemente mester a tuma e desishon pa kanselá  Blueseas Festival 2020, ku mester a tuma luga dia 9 i 10 di aprel den Pietermaai.

Awor aki simplemente no ta responsabel pa organisá un evento di tal magnitut. Esaki ta maneho di tantu World Health Organization i RIVM (Rijksinstituut Volksgezondheid en Milieu) , paso kaminda un grupo grandi di hende ta bin huntu e risiko pa kontagiá i plama e virus ta muchu mas grandi i Fundashon Bon Intenshon i Mojo Concerts ta sigui e maneho akí.  

Fundashon Bon Intenshon ta lamentá e desishon akí, pero bienestar i siguridat di artistanan i públiko semper ta na promé luga.

E siguiente edishon di Blueseas Festival lo tuma luga den den Semana Santa dia 2 i 3 di aprel 2021.