WILLEMSTAD – Komo aporte na Karnaval 50, agensia di merkadeo Social Bizz-Buzz e aña aki a rifa fl. 250 bou di tur hende ku durante e marchanan a saka selfie ku nan ‘Buzz bo Karnaval 50’ T-shirt i a pone esaki riba Facebook. Un kantidat grandi di 143 hende a partisipá n’e kampaña, pero sr. Ulrich Gonzalez a surpasá tur otro kompetidónan ora ku e la haña 168 like riba su portrèt. Ku esei Ulrich a bira e ganador di e fl. 250. Pabien! 

Pa empresanan chikí Social Bizz-Buzz tambe tabata tin un sorpresa den Karnaval 50. Tur empresa ta haña fl. 150 deskuento riba un pakete di 3 luna di Social Media Management, djis dor di yena un formulario riba e wèpsait di Social Bizz Buzz (www.socialbizzbuzz.com). Por hasi esaki ainda, te ku dia 15 di mart 2020.