WILLEMSTAD – E artistanan Pop Eye en KBTR resientemente a traha un gran obra di arte den Saliña. Nan a krea un pintura mural na e lokalidat kaminda e tienda Score tabata ubiká. Lèter grandi ta forma e palabra ‘Curaçao’ (‘Kòrsou’) i na kada banda tin un ilustrashon ku ta referí na e isla.

E artistanan ta ku vakashon na Kòrsou i a traha e pintura mural komo muestra di gratitud pa e hospitalidat ku a keda ekstendé na nan.

Tin mas lugá na Kòrsou unda nan a laga nan marka atras, entre otro na e hotèl Mondi Lodge, Dynaf, skatepark Flipside, e atelier anterior di Ashley Mauricia den Punda i na kas di un miembro di famia. Tambe KBTR a traha den kolaborashon ku sinematógrafo Selwyn de Wind un pòrtrèt di kuater músiko ku ta forma parti di ‘Típiko Santa Rosa’ ku ta selebrá nan 95 aña aniversario.

E mayoria di e artistanan a sera konosí ku e isla den 2015 ora nan a partisipá riba invitashon di Ashley Mauricia na e evento ‘The Longest Painting’. Durante nan estadia e artistanan a sera konosí ku e artista multidisiplinario PITOPOLO a regla e muraya den Saliña.  

E kuater ‘street artists’ a risibí hopi elogio durante e kreashon di e obra. Automobilistanan tabata pita, hisa dede komo aprobashon i a dal gritu di alegria. E artistanan a ripará apesar di tur e restorant di fastfood i trùk’i pan den besindario no tabatin kos di shushi den serkania. Tin mas lugá riba e isla kaminda tin shushi bandoná. Ku tur e bonitesa ku Kòrsou tin di ofresé nan ke duna e habitantenan di Kòrsou e mensahe pa stima e isla mas i sobre todo pa kuid’é. P’esei nan a agradí e lema: Stim’é, kuid’é na e pintura mural den Saliña. 

Pa mas informashon tokante e artistanan subi e página di Facebook i Instagram: Pop Eye; deKBTR i ColourCastle.nl