Bo kas na bo alkanse!

WILLEMSTAD:  Djasabra awor ta bo chèns pa kumpra un kas den un bario trankil i ku un finansiamentu ku ta

kompletamente na bo alkanse. Banco di Caribe ta invitábo pa bishitá e proyekto ‘Barber- E yabi di bo propio hogar’ i mira e diferente modelonan di kas ku ta disponibel na un preis mashá atraktivo. Por bishitá e proyekto djasabra dia 29 di febrüari di 10’or di mainta pa 4’or di atardi.

Un proyekto di 32 kas, ku 3 diferente modelo:

Si e aña aki bo tin’é e meta pa kumpra bo propio kas, esaki ta un oportunidat ideal! Preis di e kasnan den e proyekto ‘Barber- E yabi di bo propio hogar’ ta varia di 86,000.00 pa 109,000.00 florin. E proyekto ta ofresé 3 modelo di kas. Shimaruku; 1 kamber i 1 baño, Guyaba; 2 kamber i 1 baño, Granatapel; 3 kamber i 1 baño.  Kada kas ta bini ku dak di eternit, bentana kontra ladronisia ‘anti-theft’ i portanan eksterior di aluminio. E kasnan trahá pa Fundashon Kas Popular lo keda konstruí riba nan kurpa i lo ta di fèrf ku praimer.

Bo kas na bo alkanse ku un finansiamentu di Banco di Caribe:

Riba e dia abrí, Banco di Caribe lo ta presente pa yuda tur ku ta deseá di kumpra nan propio kas. Solamente riba e dia aki lo tin un interes super atraktivo pa un hipoteka na Banco di Caribe. Lo tin posibilidat pa hasi un kalkulashon di e hipoteka serka representantenan di Banco di Caribe. Pa hasi e proseso mas rápido trese un ID bálido, dos último slep di salario, dos último estado di kuenta i deklarashon di doño di trabou no mas bieu ku dos siman. Banda di esaki, lo opsekiá tur ku a bishitá e dia abrí i sera un hipoteka un regalu spesial. Pa pregunta i kontesta rápido tokante di un hipoteka na Banco di Caribe por bishitá www.bancodicaribe.com.

Tuma nota ku pa bira doño di un di e kasnan den e proyekto ‘Barber- E yabi di bo propio hogar’ bo no por tin niun bien inmóbil manera kas òf tereno registrá na bo nòmber. Pa informashon adishonal por yama FKP na 432 6000 i informá bo mes di e  kondishonnan pa bini na remarke pa un di e kasnan den e proyekto.