Entrante ayera djaluna 10 te ku djarason 12 di febrüari 2020 na Food Court di Mangusa Hypermarket i na Mensing’s Caminada entrante djaweps 13 te djasabra 15 febrüari 2020 por kumpra number di outo 2020.

Den su esfuersonan pa fasilitá komunidat di Kòrsou, Cpost International N.V. a krea espasio pa por kumpra number di outo na Food Court di Mangusa Hypermarket di 10 te ku 12 di februari 2020 tur dia entre 9’or di mainta pa 7’or di anochi i na Mensing’s Caminada entrante 13 te ku 15 difebrüari2020 tur dia entre 9’or di mainta pa 5’or di atardi.

E espasio aki ta bálido solamente pa kumpra number di outo 2020 pa outonan partikular. Importante pa menshoná ku por kumpra solamente 2 number di outo pa persona, tur papelnan mester ta na regla, ta aseptá solamente swipe i no tarjetanan di kredito. 

Sorteo Volkswagen Gol

Tur persona ku kumpra nan number di outo na Food Court na Mangusa Hypermarket, Mensing’s Caminada òf na un di e filialnan di Cpost, ta bini na remarke pa partisipá na e sorteo pa gana un VW GOL 2020. Na kompra di kada number di outo lo risibí un lòt pa partisipá den nos sorteo. Por depositá e lòt den e buzòn korespondiente na Food Court Mangusa Hypermarket i Mensing’s Caminada i lo tin un chèns pa gana un Volkswagen Gol nobo nobo ku Seguro ‘All Risk’ i number di outo kompletu pagá pa un aña. Tambe por gana diferente otro premio partisipando na e sorteo aki. Término i kondishonnan ta aplikabel pa e sorteo aki. Pa mas informashon bishitá nos website www.cpostinternational.com. 

Di parti di Cpost International N.V. ta bai un danki na Gerensia di Mangusa Hypermarket, Flow i Mensing’s Caminada