WILLEMSTAD – Curaçao Beverage Bottling Company BV (CBBC), mihó konosí komo Coca-Cola Curaçao, a lansa un bòter nobo di 12oz. E bòter aki ta di un tamaño mas chikí i alabes ku un tapa ku bo por sera bèk. E añadishon na e portafolio di refresko ta hasi’é mas fasil pa e konsumidó por manehá su konsumo di kaloria, miéntras ku nan ta disfrutando di nan bebida di Coca-Cola faborito.

E bòter nobo di 12oz ta optinibel na e siguiente sabor: Coca-Cola original taste; Coca-Cola no sugar i Sprite. E lansamentu di e bòter chikí ta parti di e vishon di Coca-Cola pa sigui ekspandé e variashon di bebidanan. Coca-Cola ta trahando duru pa ta un kompania di refresko kompletu, ku ta ofresé mas produkto fuera di e marka prinsipal. E strategia aki ta sigui e desaroyo bou di konsumidó ku a transformá mundialmente. E tendensia di e merkado ta mustra ku e nesesidat di e konsumidó ta kambiando. E konsumidó kier mas sabor i mas opshon di bebida  i un empake mas chikí. Ku esaki na mente, Coca-Cola Curaçao ta ofresé awor un bebida i un empake pa kada nesesidat i antoho.  

“Nos tur konosé e ekspreshon ‘less is more’. Awendia e ta evidente ku empake chikí ta ofresé e tamaño perfekto pa un trit di refresko. Nos kier duna e konsumidó mas eskoho di porshon”, Manager di Merkadeo, señora Myrthe George-Verhulst a bisa. “E ta un paso den e direkshon korekto pa e kompania ku no ta solamente ofresé aktivamente diferente opshon, pero ku ta yuda e konsumidó pa skohe e tamaño di bebida ku ta kuadra ku e okashon pa disfrutá di su bebida faborito. Tambe Coca-Cola ta menshoná e kantidat di kaloria riba e parti dilanti di e empake. Ademas e kompania ta ofresé un aún mas bebida sin kaloria I ta invertiendo pa hasi mas empake chiki disponibel rònt Kòrsou ku Boneiru. I ora nos ta papia di e preis e espektiva ta ku e 12oz PET lo bira popular bou di konsumidó’, George-Verhulst ta terminá bisando.

Kolaborashon ku Gentz

Pa selebrá e introdukshon di e bòter innovativo, Coca-Cola a kolaborá ku e banda popular Gentz durante e periodo di karnaval. E kuater kantante di Gentz no ta solamente e kara di e promoshon, pero e banda tambe a produsí e jingle pa hiba e produkto bou di e atenshon di e públiko durante e periodo karnavalesko.

E bòter chikí ta disponibel na tur supermerkado i mini market, i tambe na algun horeca  selektá.