Sakudí karnaval 50 ku ambiente, alegria i premio
WILLEMSTAD: E aña aki ta e terser aña konsekutivo ku karnaval di Kòrsou por konta ku patrosinio di Digicel. Roeland Van Der Hoeven, CEO pa Digicel Kòrsou ta indiká ku e ‘Shake To Win’ a resultá asina eksitoso ku lo aksentuá tur elemento di e kampaña ku ambiente karnavalesko. “Nos ta masha kontentu di por aportá un biaha mas ku e fiesta kultural mas grandi di nos pueblo. Digicel ta aportá ku meta di elevá kalidat i kontinuidat di nos karnaval. Den e kampaña aki nos klientenan i pueblo di Kòrsou ta sentral i Digicel lo ta dunando diferente oportunidat pa gana premio durante di henter e temporada. ‘Shake To Win’ a surpasá tur espektativa tabata mas ku lógiko pa aksentuá e kampaña den ambiente di karnaval. ”
Patrosinio na Fundashon JAG i Karnaval 50
Djaluna atardi, Digicel i Fundashon JAG a firma e akuerdo di patrosinio pa Karnaval 50. Meskos ku aña pasá Kòrsou su embahadornan di karnaval lo representá Digicel den tur evento. Digicel su kontribushon na kresementu i desaroyo di karnaval, ta kana pareu ku un kampaña na unda tur kliente por partisipá. Ta importante pa deskargá My Digicel App òf aktualis’é riba bo telefon i unabes esei ta hasí e kliente tin chèns di GANA premio tur dia ora ku e aktivá un LTE Prepaid Bundle òf un Data Plan di 3 dia òf mas via di e My Digicel App! Klik e ‘smiley face’ bèrdè na man drechi di e pantaya i ‘shake’ bo telefon ku chèns di gana un di e premionan. E kampaña lo ta vigente for di 15 di yanüari te 25 di febrüari 2020.
Download òf aktualisá bo My Digicel App i djòin e selebrashon!
Tur djasabra lo ta un lokura ya ku tur kliente ku rekargá ku 15 florin òf mas, òf esnan ku tin un Postpaid i tambe kliente prepaid ku tin un LTE plan di 3 dia òf mas aktivo ta gana un premio garantisá ora ku nan ‘Shake to Win’! Pa esnan ku un telefon pre-pagá tene kuenta ku bo ta partisipando pa e premio den e siman ku bo a rekargá. E premionan ta hopi atraktivo i ta konsistí di e.o 50 GB di data, 50 minüt di yamada internashonal, 50 minüt di yamada lokal, 500 florin kèsh, smartphones, Flatscreen TV i muchu mas! Durante henter e temporada aki lo tin diferente oferta di telefon na Digicel tambe ku preis di ‘shake it’, pues keda pendiente! Konektá via e página di Facebook www.facebook.com/DigicelCuracao i sakudí e karnaval aki ku ambiente!