San Valentino anochi… Juni Juliet i Claudius Philips

WILLEMSTAD.- Nos ta den pleno selebrashon di Karnaval, pero un dje fechanan ku sigur no ta pasa sin ku ta duna atenshon na dje ta Dia di San Valentino.

Djabièrnè, 14 di febrüari 2020, lo ta fecha pa un selebrashon di Dia di San Valentino spesial.

Un anochi ‘Pianissimo’, un anochi romántiko ta loke ku e dos leyendanan musikal di Kòrsou i Aruba, Juni Juliet i Claudius Philips ta bai presentá na Lanthùis Brakkeput Mei Mei.

E show baliabel lo tin repertorio spesial pe anochi i lo konta ku presentashon di artistanan invita Harlianne ‘Yentje’ Silvanie i Libia Frans.

Portanan ta habri pa 8or di anochi i pa 9or e show ta kuminsá.

Karchinan ta optenibel na Mensing’s Caminada, Beep Beep i na 24 uur uit de muur. Karchi pa sekshon di VIP ta optenibel yamando 682-2522 òf 682-2526.