WILLEMSTAD – Curaçao Beverage Bottling Company (CBBC) a organisá den e periodo tras di lomba un promoshon den tur supermerkado grandi den kua konsumidónan por a gana un mountainbike di e marka “Specialized” ku un balor di ANG.1.000. Kumprando dos bòter di Sprite di 20 oz, 1 liter òf di 2 liter di fabrikashon lokal e kliente por a partisipá den e kampaña. Konsumidónan por rekonosé e bòter di fabrikashon lokal na su dòpi koló di oro.

Ganadonan

Riba djaluna mainta, 23 di decèmber, e rifa a tuma lugá pareu na Kòrsou i Boneiru. E felis ganadónan por a reklamá nan premio riba e mesun día na fábrika di Coca-Cola na Kòrsou i na e distribuidó na Boneiru.

Riba e potrèt por mira e momentu ku e felis ganadónan a risibí e baiskel, un collector’s items. Na Kòrsou e ganadónan tabata Albert van Bochove; Bruk Bekele; Jaely El Hage; Marcelin J. Jonas en Natalis Maria. Na Boneiru e representante di Coca-Cola na Best Brands Bonaire, Meriam van Kampen-Scholtes, a hasi entrega di premio na e ñetunan di A.D.Tomas.