Propietarionan nobo a invertí mas di 4.5 mion florin

WILLEMSTAD/DEC 2019– Djarason mainta a habri ofisialmente e portanan di Wind Creek Carnival Casino Curaçao na Renaissance Curaçao Resort. Despues ku Wind Creek Hospitality a kumpra e propiedatnan a bin ta hasi un remodelashon ekstenso na e casino ku por wòrdu konsiderá esun mas popular na Kòrsou.  Direktor di e casino, sra. Heidi Foendoe a indiká den su diskurso ku e casino ta kla pa e dékada nobo ofresiendo su miembronan un casino state of the art. “Nos casino ta muchu mas ku un casino; e ta kubri 11,000 meter kuadrá i ta ofresé 250 slòtmashin di último modelo i 12 mesa, entre nan Blackjack, Roulette, Caribbean Stud Poker i Three Card Poker. Nos ta orguyoso di por ta kas pa mas ku 120 empleado kontentu, motivá i dinámiko”.

Lusnan LED, mashinnan ‘touch screen’, ambiente, suspenso, eksperensia di wega na e mihó slòtmachinan riba nos isla i hopi ganashi lo ta e motibu number un pa miembronan bishitá i sigui gosa di nan casino. Wind Creek Hospitality a bin ta traha deligentemente pa krea un eksperensha úniko pa Kòrsou. Esaki a bin ku un invershon di riba 4.5 mion florin, motibu pa kual e casino a pasa dor di un metamorfósis kompletu e último lunanan.  Asina por menshoná ku e sistema di EBS ta pèrmití pa lansa promoshonnan dinámiko i instantáneo premiando e kliente mesora. Tambe, e mashinnan progresivo di jackpot ta pèrmití e pòt oumentá ku kada hugada. Pidi bebida direktamente for di e pantaya ‘iVIEW’  ku ta konektá ku e slòt machine. Wind Creek Carnival Casino Curaçaota ofresé e programa di rekompensa mas generoso na Kòrsou! Miembronan lo tin hopi benefisio i oportunidat amplio pa sigui gana premio. Pa mas informashon di esaki por akudí na e Player Center.

Wind Creek Carnival Casino Curaçao ta habrí tur dia for di 10’or di mainta te 4’or di mardugá ku posibilidat pa parker outo grátis. Tene e página di facebook di Wind Creek Carnival Casino Curaçao na bista!  Si bo ta bai purba bo suerte, hasié semper responsabel!