Willemstad – Manera ya ta tradishon riba 1 di yanüari 2020 Kòrsou, Aruba, Bonaire, Sint Maarten, Saba òf Sint Eustatius lo konosé un mionario nobo. Ya tur landsloterij su rebendedónan tin e brièchinan mionario disponibel na tur e diferente puntonan di benta na e diferente islanan.

Durante e sorteo aki ta un kantidat grandi di premio lo bai wòrdu repartí, manera entre otro e segundo premio di Ang. 200.000,- i e terser premio di Ang. 100.000,- Tambe e lista di premio ta konsistí di un gran kantidat di otro premio di aproksimashon òf premionan derivá for di e premionan mayo. Un total di 2449 premio lo wòrdu repartí ku ta suma e montante di Ang. 2.530.800 na premio efektivo.  E brièchi mionario ta Ang. 160,- pa un tabla kompletu pero tambe tin e posibilidat di kumpra repinan los pa i Ang. 16,- pa pida.

Landsloterij kier a hasi uso di e oportunidat pa gradisí henter e pueblo kumpradó di Brièchi pero tambe tur rebendedó pa e sosten duna durante aña 2019, i ta konta ku e sosten tambe pa e aña Nobo. Felis dianan di fiesta.