For di tempu a lanta Work to Live Traveling na 2012, nan marka komersial  tabata pa ofresé un servisio total na e kliente. Kita tur prekupashon for di e biahero i ofresé un eksperiensha total di e biahe, esei ta nan mishon. “Nos ta elaborá hinter e idea di e biahe pa e kliente, i esei ta kuminsá na kompra di pasashi, e programa, e informashon, hotèl, hürmentu di outo i GPS, visa pa Merka pa pasportnan ulandes i demas detaye di un biahe. Tambe sparmentu pa un biahe krusero i e reservashon nos ta regla kompletu pa e kliente. Nos ta hasi esaki pa biahenan di famia pero tambe pa biahenan di negoshi.” Sigun Elaine Mauricia, director di Work to Live Traveling.

For di algun tempu Work to LiveTraveling ta inkluí seguro di biahe tambe den nan paketenan. Ofresiendo seguronan di biahe, e biahero tin un kobertura den kaso ku pa motibu di malesa òf algun otro motibu mester kanselá òf interumpí e biahe diripiente. Of si mester a hasi gastu médiko durante e biahe, òf si surgi daño pa motibu di pèrdida òf ladronisia. Pa e seguronan akí Work to Live Traveling a drenta un akuerdo di koperashon ku ENNIA, i asina un eksperto den seguro ta konsehá kua kobertura ta kuadra mihó ku e pakete di biahe.

“Nos konseho di seguro huntu ku popularidat di e pakete di biahe total ta nifiká kobertura na midí, i nos sa presis kiko e biahero mester”, sigun Shairlon Balentina, eksperto di seguro di ENNIA.