WILLEMSTAD — Direktiva di AMAK, despues di a reuní na algun okashon ku Miembronan i otro instansianan, ya ta preparando pa nos bai haña un Festival di Tumba 2020, e di 50 Edishon,  ku ta pinta di bira hopi grandi

Direktiva tin informashon  ku na e momentunan aki ta preparando hopi kos pa asina hasi e eksperiensha di Festival di Tumba 2020 unu grandi.

PROMÉ GIMMIK

Manera ya a bira un tradishon, djasabra awor dia 23 di novèmber 2019, AMAK lo bai tin su promé gimmik spesial pa Festival di Tumba 2020.

Lo tin un kantidat limitá di Karchi di Entrada General na rason di 60 florin  i 100 karchi VIP ( Red Carpet) pa 300 florin. E gimmik aki lo tuma lugá na The Store di Licores Maduro na Dokweg z/n entre 11 or di mainta pa 1 or di mèrdia.

AMAK ta hopi kontentu ku Licores Maduro i su produktonan Dewar’s White Label i Ròm Bacardi ku ta un di e patrosinadornan grandi di Festival di Tumba 2020, e di 50 edishon. No warda te na último ora pasombra ,manera ta e tradishon, e karchinan lo kaba hopi rápido. Pues djasabra 23 di novèmber awor, e promé gimmik pa Festival di Tumba 2020.