Dia 6 ‘Comeback Legends i 22 ‘Christmas with The Legends’

WILLEMSTAD.- Ayera nochi trempan Juni Juliet a presentá dos di su proyektonan musikal pa luna di desèmber 2019.

E promé lo ta ‘Juni & The Comeback Legends’, un fiesta di kòmbèk den Klup di Shell kaminda Juni Juliet lo presentá huntu ku Mr. Saab, Ompi Stefania, Ñaño Rosario, Gibi Doran, Romeo Heije i Lady Su ku lo ta e kantante invitá. Huntu ku nan lo tin e tres bandanan grandi di kòmbèk, Forsa, Classic XD i S.O.

E fiesta di kòmbèk ta pinta di bai bira un tremendo fiesta. Ayera Juni a primintí ku e ta bai bin bon prepará pa enfrentá e bandanan di kòmbèk. Karchinan pa ‘Comeback Legends’ ta optenibel na Beep Beep, 24 uur uit de muur, serka Meisje Meisje i Robert Sapatu.

E di dos evento ta un konsierto baliabel ku lo tuma lugá dia 22 di desèmber den Riffort Village. ‘Christmas with The Legends’ lo ta un fiesta karga ku kantantenan Legendario manera Mr. Saab, Ompi, Romeo Heije, Ñaño Rosario, Gibi Doran, Tico Libiee, Urvin Jano, komo invitado spesial Ced Ride i Arnell i su Orkesta.

Karchi pa e konsierto baliabel ta optenibel na Beep Beep, Dooshi Bar na Riffort Village, Mensing’s Caminada i 24 uur uit de muur.