Bo ta mira bo kumisamentu, bo final bo no sa, un palabra di grandinan. Di nochi pa mahinta bo bida por kambia radikalmente, sea bo a sali for di pobresa hiba un miho bida, of hibando un bon bida diripiente bo a kai den dekadensia. Hibando un bida saludabel, diripiente un desgrasia of enfermedat a dal aden kambia hinter rutina di bida. Nos nuin no sa kiko ta spera nos den bida…tur e ehempelnan duna ariba ta frenkuenta tur dia. Ironia ta, kon atende ku e kambio ku a presenta den bida. Dos pashent drumi den mesun kamber,Mai Lina i Mai Rosa ta hana nan den situashon ku ta hende tin ku kwidanan drumi riba kama. E gana di sigi biba ta empuha nan  di adapta nan mes den e situashon ku bida a presenta pa kada un di nan. Kwantu di nos ta prepara pe’sei? Nan dos ta den un guera ku otro, nan ta pasa dia buska drechi di otro, tira palabra na kara di otro, asta foi unu su boka ta slep asuntunan priva. Porehempel kon su kasa ta biba den refineria Isla drumi na kas, anto komper ta bin buske pa hasi fabor, kon e ku komper ta bai plasa pa kome kadushi leim leim SI bo saka bo som bo ta yega na e konklushon ku e leim leim ei a hasi un trabao ku a keda den sekreto. Asina nan dos ta pasa nan dia te ora ku solo baha. Ku gran orguyo Kanal Elouisa, (kanal 85 riba bo TDS) ta estrena otro produkshon na papiamentu titula: “KOMER I KOMPER TA BIBA BON”. Un produkshon skibi pa Youena Lourens, e ta un empleada di e instituto Betesda, i entrepreta pa e propio enfermeranan ku ta labora den e instituto Betesda, ku ta selebrando 25 ana di eksistensia. KOMER I KOMPER TA BIBA BON Abona awor riba KANAL ELOUISA (KANAL 85 di BO TDS) i disfruta di otro produkshon den bo idioma papiamentu te den bo kas. Estreno Djaluna 23 di Desember riba kanal 85 di TDS.