E aña aki Curaçao International Film Festival Rotterdam (CIFFR) ta ofresé un proyekto di sine na alumnonan di Enseñansa Sekundario.

Pa e edishon 2020 di CIFFR lo lansa un proyekto titulá CHALLENGES den koperashon ku skolnan sekundario. Grupo di hóbennan bou di guia di Anja van Bergen lo traha un pelíkula kòrtiku ku nan smartphone. E tema ta: CHALLENGES: kua ta e retonan ku e hóbennan aki ta topa den nan bida? Lo pidi tur skol pa koperá i lo pidi nan pa laga nan hóbennan skirbi  un kuenta kòrtiku kua ta nan retonan pa futuro.

Un hurado di CIFFR lo skohe e tres  kuentanan mas impaktante i lo filma esakinan.

Klaro ku nos ta spera ku tur skol sekundario lo partisipá na  e proyekto aki i lo informá nan alumnonan.