Partisipashon di 45 mucha den fin di siman tras di lomba

WILLEMSTAD- SEPT 2019:  Djabièrnè i djasabra último a tuma lugá e di tres edishon di ‘Banco di Caribe Play & Stay Tennis Tournament’ na CSC, Damacor.  E aña aki 45 mucha a partisipá na e torneo di tènis, repartí den 3 kategoria; ‘red ball’ pa mucha entre 6 i 8 aña di edat, ‘orange ball’ pa mucha entre 8 i 10 aña di edat i ‘green ball’ pa mucha di 9 i 10 aña di edat.  Banco di Caribe ta felisitá Curaçao Tennis Foundation ku otro eksitoso torneo.

Resultadonan:

Esnan ku a sobresalí den e terser edishon di ‘Banco di Caribe Play & Stay Tennis Tournament’ ta Daniela Di Vanna Sanchez ku a bira kampion den kategoria red balls, i Sophia de la Paz sub-kampion. Den orange balls/girls, Mila Tedder a titulá kampion, i Maxim Ten Veen sub-kampion.  Den orange balls/boys, Key Shane Sling a bira kampion i Zahiv de Windt sup-kampion. Den kategoria green balls/ girls Mia de Lanooi a bai ku e titulo, miéntras ku Amara Zimmerman a resultá sup-kampion. Finalmente, den kategoria green balls/boys, Leonardo Winkel ta bira kampion i Jean – Jacques Rigaud sup-kampion. Masha pabien na tur mucha ku a partisipá, na sr. Francis Hoyer di Curaçao Tennis Foundation i na tur boluntario ku di un òf otro forma a kontribuí pa engrandesé e torneo aki. Torneonan manera ‘Play & Stay’ ta stimulá e muchanan pa sigui desaroyá den e deporte di tènis.