For di dia 30 di Òktober te ku dia 3 di November 2019 e isla di Aruba lo ta e episentro di e di dos ‘Island Takeover Festival’. Durante un konferensia di prensa na Gondola Restaurant e representantenan di e festival a invitá pueblo di Kòrsou pa biaha pa disfrutá di Aruba komo destino i e festival ku lo tin vários aktividat durante 5 dia kulminando ku e konsierto di UB40, Sech, Lunay, Alex Sensation, Jeon i hopi mas djabièrnè 1 di Novèmber 2019. Despues di un promé edishon sumamente eksitoso ku hopi bishitante for di Kòrsou e aña aki efestival lo ta mas amplio ku hopi aktividatnan banda di e konsierto. Ampliando e aktividatnan rondó di e konsierto e aña aki lo tin un evento kulinario, konferensia di teknologia (A-Tech), eksposishon di arte, ‘Pool Party’ ‘Block Party’ i eksperensianan úniko dediká na e turistanan ku lo biaha spesialmente pa e evento.
E konsierto mes lo ta mey mey di e 5 dianan di evento kual lo ta Djabièrnè dia1 di Novèmber 2019. E konsierto lo tuma lugá na Harbor Arena y lo tindiferente sekshon. Lo tin e sekshon general, vip standing cu ta dilanti e esenario i tambe sekshon di mesa riba e famoso VIP deck.
Na Kòrsou e karchinan ta optenibel na Fun Miles òf si ta deseá pakete kompleto (Estadia,Biahe, Auto etc ) por tuma kontakto cu Maduro Travel. Naturalmente por kumpra karchi online tambe via www.islandtakeover.com. Pa sekshon di mesa por manda un email na vip@islandtakeover.com òf kumpra direktamente riba e wèpsait..
Pa loke ta e evento prinsipal UB40 ft Ali Campbell & Astro lo ta na Arubadespues di 25 aña. Na Kòrsou nan a yega di presentá un tiki mas resien kompará cu Aruba, pero asina mes tin un reakshon grandi pa ku hendenan ku kièr biaha pa Aruba. Aktualmentee banda ta riba nan tour di 40 aniversario kual Aruba lo ta parti di dje. Ebanda aktualmente ta konsistí di e kantantenan original manera Ali Campbell yAstro. Nan lo ta presentando hitnan manera ‘Red Red Wine’, ‘Kingston Town’ ymas. Den e siguiente simannan lo sigui elaborá riba e otro artistanan Sech di e exito ‘Otro Trago’ i ‘Que Mas’ ,Lunay solista di kansion ‘Soltero’ , Alex Sensation Jeon i e sorpresanan.
Un Danki tambe ta bai na Aruba Trading Company y SETAR NV komo patrosinadónan y un danki na e partnernan Gondola Restaurant, Marriot Hotel, The Ritz Carlton,Holiday Inn ,The Mill Resorts, Hyatt Regency Hotel, Aruba Renaissance Hotel, DiviResorts, Barcelo, Eagle Resort, ATechConference , Fun Miles, EF, Elite Productions i Amigo Car Rental.