WILLEMSTAD- SEPT 2019:  Djarason último Banco di Caribe a inougurá su di tres ATM den Sambil. Aparte di esun na e filial i esun na “food court”, e ATM nobo ta ubiká nèt banda di e supermerkado. E sentro komersial a bin ta ekspandé grandemente i pa fasilitá klientenan a opta pa un di tres ATM.  Klientenan di Banco di Caribe por hasi uso di e ATM pa lanta sèn, pidi saldo di kuenta, transferí sèn i kambia ‘PIN’. Naturalmente Banco di Caribe tin su filial mes na entrada prinsipal di Sambil. Einan, klientenan por pasa pa abri kuenta,  apliká pa BdC Online i otro transakshon  bankario.

Banco di Caribe ta ofresé pueblo di Kòrsou mas ku 30 mashin di ATM, kada un stratégikamente ubiká riba nos isla.  No muchu tempu pasá a inougurá un ATM  na Jandoret, fasilitando tur habitante di e bario.  Ademas tambe por menshoná ku e ATM na Janthiel/Zanzibar a kambia di lugá i awor ta mas na entrada di e restorant. Pa Banco di Caribe fasilidat ta kana man den man ku seguridat; motibu pa kual a reinforsá seguridat na tur ATM. Ta pidi e kliente pa e tambe tuma prekoushon; tene bo informashon sekreto i protehé bo tarheta di ATM. Kambia bo kódigo sekreto (PIN) periódikamente, sea semper alerta ora bo bai lanta sèn, no kita bista di bo tarheta ora hasi pago den un establesimentu i finalmente ta rekomendá tur kliente pa apliká p’e servisio di ‘SMS alert’ ya ta keda na altura di tur transakshon. Pa registrá pa ‘SMS alert’ òf pa un lista kompleto di tur ATM di Banco di Caribe i nan ubikashon por bishitá e wèpsait, www.bancodicaribe.com òf yama 432-3200